ഹജ്ജ് കർമ്മങ്ങൾ ഒരു ലഘു പഠനം- ഭാഗം രണ്ട് ലിങ്ക് കോപ്പി ചെയ്തു!
ഹജ്ജിന്റെ പരിപ്പൂർണ്ണ രൂപം ലിങ്ക് കോപ്പി ചെയ്തു!
بسم الله الرحمن الرحيم
ദുൽഹിജ്ജ 8,9,10,11,12, 13 എന്നീ ആറ് ദിവസങ്ങളിലായാണ് ഹജ്ജ് കർമ്മങ്ങൾ നിർവ്വഹിക്കേണ്ടത് . ഹജ്ജിന്റെ ഇനങ്ങളായ തമത്തുഅ് - കിറാൻ - ഇഫ്രാദ് ഇവയിൽ ഏത് പ്രകാരം ഹജ്ജ് ചെയ്യുന്നവനും ഇഹ്റാമിൽ പ്രവേശിച്ചത് മുതൽ തൽബിയ്യത്ത് ചൊല്ലി കൊണ്ടിരിക്കണം.പുരുഷന്മാർ തൽബിയ്യത്ത് ഉച്ചത്തിലും സ്ത്രീകൾ പതുക്കെ ശബ്ദമില്ലാതെയുമാണ് ചൊല്ലേണ്ടത്.ലിങ്ക് കോപ്പി ചെയ്തു!
തൽബിയ്യത്തിന്റെ രൂപം
«لَبَّيْكَ اللهُمَّ لَبَّيْكَ، لَبَّيْكَ لَا شَرِيكَ لَك لَبَّيْكَ، إنَّ الحَمْدَ وَالنِّعْمَةَ لَك وَالمُلْكَ، لَا شَرِيكَ لَك»ലിങ്ക് കോപ്പി ചെയ്തു!
(ലബ്ബൈക്കല്ലാഹുമ്മ ലബ്ബൈക്ക്, ലബ്ബൈക്ക ലാ ശരീക്ക ലക്ക ലബ്ബൈക്ക്, ഇന്നൽ ഹംദ വന്നിഅ്മത ലക്ക വൽ മുൽക്, ലാ ശരീക്ക ലക്ക്)
അർത്ഥം: അല്ലാഹുവേ, ഇതാ ഞാൻ നിന്റെ വിളിക്ക് ഉത്തരം നൽകി വന്നിരിക്കുന്നു. നിനക്ക് യാതൊരു പങ്കുകാരനുമില്ല, ഇതാ ഞാൻ നിന്റെ വിളിക്ക് ഉത്തരം നൽകി വന്നിരിക്കുന്നു. നിശ്ചയമായും സർവ്വ സ്തുതിയും അനുഗ്രഹവും രാജാധിപത്യവും നിനക്ക് മാത്രമുള്ളതാണ്. നിനക്ക് യാതൊരു പങ്കുകാരനുമില്ല.ലിങ്ക് കോപ്പി ചെയ്തു!
തൽബിയ്യത് എപ്പോൾ വരെ ചൊല്ലണം
ഉംറ നിർവ്വഹിക്കുമ്പോൾ ഈ തൽബിയ്യത്ത് ഇഹ്റാമിൽ പ്രവേശിച്ചത് മുതൽ ത്വവാഫ് തുടങ്ങുന്നത് വരെ തുടരേണ്ടതാണ് .
എന്നാൽ ഇത് ഹജ്ജിന് ഇഹ്റാമിൽ പ്രവേശിച്ചത് മുതൽ ദുൽഹിജ്ജ പത്ത് ( ഈദിന്റെ ദിവസം ) ജംറത്തുൽ അഖബയിൽ കല്ലെറിയുന്നത് വരെയാണ് തുടരേണ്ടത് .
മസ്ജിദുൽ ഹറാമിൽ പ്രവേശിച്ചാൽ ഏതൊരു പള്ളിയിലും പ്രവേശിച്ചാലുള്ള മര്യാദകളും പ്രാർഥനകളും നിർവ്വഹിക്കണം - വലതു കാൽ മുന്തിച്ച് പള്ളിയിൽ പ്രവേശിക്കുകയും സുന്നത്തായ ദുആ ചൊല്ലുകയും വേണം - മറ്റു പള്ളികളേക്കാൾ പവിത്രത കല്പ്പിക്കണം . മറ്റു പള്ളികളിൽ നിന്ന് വിത്യസ്ത്മായി മസ്ജിദുൽ ഹറാമിൽ വെച്ചുള്ള നിസ്കാരത്തിന്ന് ഒരു ലക്ഷം ഇരട്ടി പ്രതിഫലമുണ്ടെന്നുള്ള ഉത്തമ ബോധ്യത്തോടെ മറ്റു സമയങ്ങളിൽ അവിടെ വെച്ചുള്ള നിസ്കാരങ്ങൾ വർദ്ധിപ്പിക്കണം . മറ്റു പള്ളികളിൽ പ്രവേശിക്കുമ്പോൾ തഹിയ്യത്ത് നിസ്കാരമാണെങ്കിൽ മസ്ജിദുൽ ഹറാമിൽ അത് ത്വവാഫാണ്.
ഹജ്ജിന്റെ രൂപം
ലിങ്ക് കോപ്പി ചെയ്തു!
തമത്തുഅ് പ്രകാരം ഹജ്ജ് നിർവ്വഹിക്കുന്നവൻ ആദ്യം ഉംറ നിർവ്വഹിക്കണം.ഉംറയിൽ നിന്ന് വിരമിച്ച് തഹല്ലുൽ ആയാൽ ദുൽഹിജ്ജ എട്ട് വരെ മക്കയിൽ തന്നെ തുടരണം. ലിങ്ക് കോപ്പി ചെയ്തു!
ഉംറയുടെ രൂപം ചുരുക്കത്തിൽ 
ലിങ്ക് കോപ്പി ചെയ്തു!
ഇഹ്റാം, ത്വവാഫ്, സഅ്‌യ്, തലമുടി വടിക്കുകയോ കുറയ്ക്കുകയോ ചെയ്യുക എന്നീ കർമ്മങ്ങൾ അടങ്ങിയതാണ് ഉംറ. ആദ്യം ത്വവാഫ് പിന്നീട് സഅ്‌യ് ശേഷം തഹല്ലുൽ ആവാൻ തലമുടി വടിക്കുകയോ കുറയ്ക്കുകയോ ചെയ്യുക എന്ന പ്രകാരമാണ് ഉംറയുടെ തർത്തീബ്.ലിങ്ക് കോപ്പി ചെയ്തു!
ത്വവാഫ്ലിങ്ക് കോപ്പി ചെയ്തു!
1. ത്വവാഫിന്റെ രൂപം ചുരുക്കത്തിൽ
ലിങ്ക് കോപ്പി ചെയ്തു!
ത്വവാഫ് എന്നാൽ :ഹജറുൽ അസ്‌വദിൽ നിന്ന് ആരംഭിച്ച് ഹജറുൽ അസ്‌വദിൽ തന്നെ അവസാനിക്കുന്ന രൂപത്തിൽ കഅ്ബയെ ഏഴ് തവണ വലയം വെക്കുന്നതിനെയാണ് (ചുറ്റുന്നതിനെയാണ് ) ത്വവാഫ് എന്ന് പറയുന്നത്.
മസ്ജിദുൽ ഹറാമിൽ എത്തിയാൽ, ത്വവാഫ് ആരംഭിക്കുന്നതിനായി ഹജറുൽ അസ്‌വദിന് നേരെ തിരിഞ്ഞ് കഅ്ബയുടെ അടുത്തേക്ക് ( സാധിക്കുമെങ്കിൽ) മുന്നോട്ട് നീങ്ങേണ്ടതാണ്.- എന്നാൽ തിരക്ക് കാരണം സ്വന്തത്തിനോ മറ്റുള്ളവർക്കോ ബുദ്ധിമുട്ടുണ്ടാവുമെങ്കിൽ മത്വാഫിൽ എവിടെ വെച്ചും ത്വവാഫ് ചെയ്യാം.പുരുഷന്മാർക്ക് ഉംറയുടെ ഈ ത്വവാഫിലും, ഇഫ്റാദായും ഖിറാനായും ഹജ്ജ് ചെയ്യുന്നവർക്ക് സുന്നത്തായ ത്വാവാഫുൽ ഖുദൂമിലും (ആദ്യമായി എത്തുമ്പോൾ നിർവഹിക്കുന്ന ത്വവാഫിൽ) സുന്നത്തുള്ള കാര്യമാണ് ത്വവാഫിലുടനീളം 'ഇള്ത്വിബാഅ്' ചെയ്യുക എന്നത്. തന്റെ വലതു തോളിൽ നിന്ന് വസ്ത്രം മാറ്റി അത് വെളിവാക്കുകയും, മേൽവസ്ത്രത്തിന്റെ (രിദാഅ്) മധ്യഭാഗം വലതു കക്ഷത്തിന് താഴെയാക്കി അതിന്റെ രണ്ട് അറ്റങ്ങളും ഇടത് തോളിന് മുകളിൽ ഇടുകയും ചെയ്യുന്ന രീതിയാണ് ഇത് .ലിങ്ക് കോപ്പി ചെയ്തു!
അതിനുശേഷം ഹജറുൽ അസ്‌വദിനെ തന്റെ വലതുകൈ കൊണ്ട് സ്പർശിക്കുകയും സാധ്യമാണെങ്കിൽ അതിനെ ചുംബിക്കുകയും ചെയ്യൽ സുന്നത്താണ്. അല്ലാഹുവിനെ ആദരിച്ചുകൊണ്ടും അല്ലാഹുവിന്റെ റസൂലിനെ ﷺ മാതൃകയാക്കിക്കൊണ്ടുമാണ് ഇത് ചെയ്യുന്നത്; അല്ലാതെ ആ കല്ല് ഉപദ്രവിക്കുമെന്നോ ഉപകരിക്കുമെന്നോ ഉള്ള വിശ്വാസത്തിലല്ല.
ഇനി ചുംബിക്കാൻ സാധിച്ചില്ലെങ്കിൽ, കൈകൊണ്ട് അതിനെ സ്പർശിക്കുകയും (ഇസ്‌തിലാം) ആ കൈ ചുംബിക്കുകയും ചെയ്യുക. കൈകൊണ്ട് സ്പർശിക്കാനും സാധിച്ചില്ലെങ്കിൽ ജനങ്ങളെ തള്ളിമാറ്റാൻ നിൽക്കരുത്. കാരണം, തിക്കും തിരക്കും ഉണ്ടാക്കുന്നത് തനിക്കും മറ്റുള്ളവർക്കും ബുദ്ധിമുട്ടുണ്ടാക്കും. ചിലപ്പോൾ അത് ഉപദ്രവകരമാവുകയും ഇബാദത്തിൽ ഉണ്ടാകേണ്ട ഖുശൂഅ് (ഭക്തി) നഷ്ടപ്പെടുത്തുകയും ചെയ്യും. അല്ലാഹുവിന് വേണ്ടിയുള്ള ഇബാദത്ത് എന്ന ത്വാവാഫിന്റെ ലക്ഷ്യത്തിൽ നിന്ന് മാറി അനാവശ്യ സംസാരങ്ങൾക്കും തർക്കങ്ങൾക്കും വഴക്കുകൾക്കും കാരണമാവുകയും ചെയ്തേക്കാം.അതുകൊണ്ട് അകലെയാണെങ്കിൽ കൈ ഉയർത്തി ആംഗ്യം കാണിച്ചാൽ (ഇശാറത്ത്) മതിയാകും. ശേഷം വലതുഭാഗത്തേക്ക് നീങ്ങുകയും കഅ്ബയെ തന്റെ ഇടതുവശത്താക്കി ത്വാവാഫ് തുടരുകയും ചെയ്യണം. ആദ്യത്തെ മൂന്ന് ചുറ്റലുകളിൽ 'റമൽ' ചെയ്യണം; ബാക്കിയുള്ള നാല് ചുറ്റലുകളിൽ അത് ചെയ്യേണ്ടതില്ല. ഹ്രസ്വമായ ചുവടുകൾ വെച്ചുകൊണ്ട് വേഗത്തിൽ നടക്കുന്നതിനെയാണ് 'റമൽ' എന്ന് പറയുന്നത്.ഉംറയുടെ ത്വവാഫിനും ത്വവാഫുൽ ഖുദൂമിനും മാത്രമേ ഇപ്രകാരം ചെയ്യേണ്ടതുള്ളൂ . റുക്നുൽ യമാനിയിൽ എത്തിയാൽ സാധ്യമാണെങ്കിൽ അതിനെ സ്പർശിക്കുക (ചുംബിക്കേണ്ടതില്ല). സാധിച്ചില്ലെങ്കിൽ തിക്കും തിരക്കും ഉണ്ടാക്കരുത്.കഅ്ബയുടെ ഭാഗങ്ങളിൽ നിന്ന് ഹജറുൽ അസ്‌വദും റുക്നുൽ യമാനിയും അല്ലാതെ മറ്റൊന്നും സ്പർശിക്കുന്നതിൽ പുണ്യമില്ല കാരണം, നബി ﷺ അവ രണ്ടും അല്ലാതെ മറ്റൊന്നും സ്പർശിച്ചിട്ടില്ല.
ത്വാവാഫിലുടനീളം ദിക്റുകളും ഖുർആൻ പാരായണവും സ്വലാത്തും ദുആകളുമായി അവന്റെ മനസ്സും നാവും ഇബാദത്തിലായി സദാ മുഴുകികൊണ്ടിരിക്കണം.എന്നാൽ റുക്നുൽ യമാനിക്കും ഹജറുൽ അസ്‌വദിനും ഇടയിൽ ഇപ്രകാരം പ്രത്യേകം ദുആ ചെയ്യണം :
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
റബ്ബനാ ആതിനാ ഫിദ്ദുൻയാ ഹസനത്തൻ വഫിൽ ആഖിറത്തി ഹസനത്തൻ വഖിനാ അദാബന്നാർ.
അർത്ഥം : ഞങ്ങളുടെ റബ്ബേ ! ഞങ്ങൾക്ക് ഇഹലോകത്തും പരലോകത്തും നന്മ നൽകേണമേ, നരകശിക്ഷയിൽ നിന്ന് ഞങ്ങളെ കാത്തുരക്ഷിക്കേണമേ.
പ്രത്യേകം ശ്രദ്ധിക്കുക : മുകളിൽ സൂചിപ്പിച്ച ദിക്റുകളും ദുആകളും ഏകാഗ്രതയോടെയും മനസ്സാന്നിധ്യത്തോടെയും ഓരോരുത്തരും വ്യക്തിപരമായി നിർവ്വഹിക്കേണ്ടതാണ്. ഇന്ന് നാം കണ്ടുവരുന്നതുപോലെ കൂട്ടംകൂടി ഉച്ചത്തിൽ ചൊല്ലുന്ന രീതി പ്രവാചക മാതൃകയല്ല. ഇത്തരം ദിക്റുകൾ വശമില്ലാത്തതുകൊണ്ടാണ് ജമാഅത്തായി (കൂട്ടമായി) ചൊല്ലുന്നതെന്ന് ചിലർ ന്യായീകരിച്ചേക്കാം. എന്നാൽ പ്രിയ സഹോദരാ, ഹജ്ജ് യാത്രയ്ക്കായി ഭൗതികമായ സൗകര്യങ്ങൾ ഒരുക്കാൻ നീ ചെലവഴിക്കുന്ന സമയത്തിന്റെ നൂറിലൊരംശം മതി സുപ്രധാനമായ ഈ ദിക്റുകൾ പഠിച്ചെടുക്കാൻ. മാത്രമല്ല, നബി ﷺ യിൽ നിന്ന് സ്ഥിരപ്പെട്ടു വന്ന ദിക്റുകൾ അടങ്ങിയ കൈപുസ്തകങ്ങൾ ഇന്ന് യഥേഷ്ടം ലഭ്യവുമാണ്. .
ഓരോ തവണ ഹജറുൽ അസ്‌വദിന് മുന്നിലൂടെ കടന്നുപോകുമ്പോഴും മുൻപ് പറഞ്ഞതുപോലെ പ്രവർത്തിക്കുകയും (സ്പർശിക്കുകയോ ചുംബിക്കുകയോ അല്ലെങ്കിൽ കൈ ഉയർത്തി ആംഗ്യം കാണിക്കുകയോ ചെയ്യുക) തക്ബീർ (അല്ലാഹു അക്ബർ) ചൊല്ലുകയും ചെയ്യുക.
ഏഴ് ചുറ്റുകൾ പൂർത്തിയാക്കിയാൽ മഖാമു ഇബ്രാഹീമിന് അടുത്തേക്ക് നീങ്ങുകയും ശേഷം ഈ വചനം ഓതൽ സുന്നത്താണ് : وَٱتَّخِذُواْ مِن مَّقَامِ إِبۡرَٰهِـۧمَ مُصَلّٗىۖ [البقرة: 125] വത്തഖിദൂ മിൻ മഖാമി ഇബ്രാഹീമ മുസ്വല്ല.
ശേഷം അതിന്റെ പിന്നിലായി (സൗകര്യപ്രദമാണെങ്കിൽ അടുത്ത്, അല്ലെങ്കിൽ മത്വാഫിൽ എവിടെയായാലും ) രണ്ട് റക്അത്ത് നിസ്കരിക്കുക. ഒന്നാം റക്അത്തിൽ ഫാത്തിഹയ്ക്ക് ശേഷം {قُلۡ يَٰٓأَيُّهَا ٱلۡكَٰفِرُونَ} എന്ന സൂറത്തും , രണ്ടാം റക്അത്തിൽ ഫാത്തിഹയ്ക്ക് ശേഷം{قُلۡ هُوَ ٱللَّهُ أَحَدٌ }എന്ന സൂറത്തും ഓതുക. അതിനുശേഷം വീണ്ടും ഹജറുൽ അസ്‌വദിലേക്ക് മടങ്ങുകയും സാധ്യമാണെങ്കിൽ സ്പർശിക്കുകയും ചെയ്യുക. സാധിച്ചില്ലെങ്കിൽ അതിലേക്ക് കൈ ഉയർത്തി ആംഗ്യം കാണിക്കേണ്ടതില്ല.
ത്വവാഫിന് ശേഷമുള്ള രണ്ട് റക്അത്ത് നിസ്കരിച്ചു കഴിഞ്ഞാൽ സംസം വെള്ളം കുടിക്കുകയും അത് തലയിൽ ഒഴിക്കുകയും ചെയ്യുക എന്നത് നബി ﷺയുടെ സുന്നത്തിൽ പ്പെട്ടതാണ്.
പിന്നീട് സഅ്‌യ് നിർവഹിക്കാനായി മസ്അയിലേക്ക് (സഅ്‌യ് നടക്കേണ്ട സ്ഥലം) പുറപ്പെടുക.
സഅ്‌യ്
ലിങ്ക് കോപ്പി ചെയ്തു!
സഫാ കുന്നിനോട് അടുക്കുമ്പോൾ ഇപ്രകാരം ഓതുക: إِنَّ الصَّفَا وَالْمَرْوَةَ مِنْ شَعَائِرِ اللَّهِ - ഇന്നസ്സ്വാഫാ വൽ മർവത്ത മിൻ ശആഇരില്ലാഹ് (തീർച്ചയായും സഫായും മർവ്വയും അല്ലാഹുവിന്റെ അടയാളങ്ങളിൽ പെട്ടതാണ്).ഈ ഒരിടത്തല്ലാതെ മറ്റ് സ്ഥലങ്ങളിൽ വെച്ച് ഇത് ഓതേണ്ടതില്ല. അതിനുശേഷം അദ്ദേഹം സഫാ കുന്നിന് മുകളിൽ കഅ്ബ കാണുന്നത് വരെ കയറി നിൽക്കുക. കഅ്ബയ്ക്ക് അഭിമുഖമായി നിന്ന് കൈകൾ ഉയർത്തി അല്ലാഹുവിനെ സ്തുതിക്കുകയും തനിക്ക് ഇഷ്ടമുള്ള കാര്യങ്ങൾക്കായി പ്രാർത്ഥിക്കുകയും ചെയ്യുക. നബി ﷺ ഇവിടെ വെച്ച് ഇപ്രകാരം ചൊല്ലാറുണ്ടായിരുന്നു
«لَا إلَهَ إلَّا اللهُ، وَحْدَهُ لَا شَرِيكَ لَهُ، لَهُ المُلْكُ، وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ، لَا إلَهَ إلَّا اللهَ وَحْدَهُ، أَنْجَزَ وَعْدَهُ، وَنَصَرَ عَبْدَهُ، وَهَزَمَ الأَحْزَابَ وَحْدَهُ»
അർത്ഥം: അല്ലാഹു അല്ലാതെ ആരാധനയ്ക്ക് അർഹനായി മറ്റാരുമില്ല. അവൻ ഏകനാണ്, അവന് പങ്കുകാരില്ല ,സർവ്വ ആധിപത്യവും അവനാണ്, സർവ്വ സ്തുതിയും അവനാണ്. അവൻ എല്ലാ കാര്യങ്ങൾക്കും കഴിവുള്ളവനാണ്. അല്ലാഹു അല്ലാതെ ആരാധനയ്ക്ക് അർഹനായി മറ്റാരുമില്ല, അവൻ ഏകനാണ്; അവൻ തന്റെ വാഗ്ദാനം നിറവേറ്റി, തന്റെ ദാസനെ സഹായിച്ചു, ശത്രു സൈന്യങ്ങളെ അവൻ ഒറ്റയ്ക്ക് പരാജയപ്പെടുത്തി."ശേഷം ഇത് മൂന്ന് തവണ ആവർത്തിക്കുകയും, ഓരോ തവണയ്ക്കിടയിലും (തനിക്ക് ഇഷ്ടമുള്ള കാര്യങ്ങൾക്കായി) പ്രാർത്ഥിക്കുകയും ചെയ്യുക.
പിന്നീട് സഫാ കുന്നിൽ നിന്നും മർവ്വയിലേക്ക് നടന്നു ഇറങ്ങുക. അങ്ങനെ പച്ച അടയാളത്തിന് അടു ത്തെത്തിയാൽ,അവിടെ മുതൽ ആ അടയാളം അവസാനിക്കുന്നത് വരെ തനിക്ക് സാധ്യമായ അത്രയും വേഗത്തിൽ ഓടുക (മറ്റുള്ളവർക്ക് ബുദ്ധിമുട്ടുണ്ടാക്കാത്ത രീതിയിൽ). അതിനുശേഷം സാധാരണ ഗതിയിൽ നടന്ന് മർവ്വയിൽ എത്തുക. മർവ്വയിൽ എത്തിയാൽ അതിന് മുകളിൽ കയറി ഖിബ്ലയ്ക്ക് അഭിമുഖമായി നിന്ന് കൈകൾ ഉയർത്തുക. സഫാ കുന്നിൽ വെച്ച് ചൊല്ലിയ അതേ പ്രാർത്ഥനകൾ ഇവിടെയും ആവർത്തിക്കുക.ഇപ്രകാരം മർവ്വയിൽ എത്തുന്നതോടെ ഒന്നാമത്തെ ചുറ്റൽ (ശൗത്വ്) പൂർത്തിയായി ശേഷം സഫായിലേക്ക് എത്തുന്നതോടെ രണ്ടാമത്തേതും പൂർത്തിയാകും അങ്ങനെ തന്റെ സഅ്‌യ് (ഏഴ് ചുറ്റുകൾ) പൂർത്തിയാക്കിയാൽ, ഉംറയുടെ അവസാന ഘട്ടമായ തഹല്ലുൽ ആവണം .
ഉംറയിൽ നിന്ന് തഹല്ലുൽ ആവൽ ലിങ്ക് കോപ്പി ചെയ്തു!
പുരുഷന്മാർ തലമുണ്ഡനം ചെയ്യുകയോ അല്ലെങ്കിൽ തലമുടി വെട്ടി ചെറുതാക്കുകയോ ചെയ്യുകയും സ്ത്രീകൾ അവരുടെ തലമുടിയുടെ അഗ്രത്തിൽ നിന്ന് ( എല്ലാ ഭാഗവും ഒരുമിച്ച് കൂട്ടി ) വിരൽതുമ്പിന്റെ അത്രയും ഭാഗം മുറിക്കുകയും ചെയ്യുന്നതോടെ അവർ ഉംറയിൽ നിന്ന് തഹല്ലുൽ ആയി .
പുരുഷന്മാർക്ക് തലമുണ്ഡനം ചെയ്യലാണ് ഉത്തമം, എന്നാൽ 'തമത്തുഅ്' രീതിയിൽ ഹജ്ജ് ചെയ്യുന്ന ആളാണെങ്കിൽ ഹജ്ജിന് ഇനി കുറഞ്ഞ ദിവസങ്ങൾ മാത്രമേ ബാക്കിയുള്ളൂ (ഹജ്ജിന് മുൻപ് മുടി വീണ്ടും വളരാൻ സാധ്യതയില്ല) എങ്കിൽ, മുടി വെട്ടുന്നതാണ് ഉത്തമം.
'തമത്തുഅ്' രീതിയിൽ ഹജ്ജ് ചെയ്യുമ്പോൾ ഉംറ ആദ്യം പൂർത്തികരിക്കേണ്ടതാനിലാണ് ഉംറയുടെ രൂപം ഇവിടെ ആമുഖമായി വിശദീകരിച്ചത്. ഇനി നമുക്ക് ഹജ്ജിന്റെ കർമ്മങ്ങൾ ദുൽഹിജ്ജ എട്ട് മുതൽ ഓരോ ദിവസവും ഹാജിമാർ ചെയ്യേണ്ട കർമ്മങ്ങൾ മനസ്സിലാക്കാം .
ദുൽഹിജ്ജ എട്ട് -യൗമുത്തർവിയ
ഇതിനെ (യൗമുത്തർവിയ എന്ന്) വിളിക്കാൻ കാരണം, അന്ന് അറഫാ ദിനത്തിലേക്ക് ആവശ്യമായ വെള്ളം അവർ സംഭരിക്കുമായിരുന്നു എന്നതിനാലാണ്. കാരണം, അക്കാലത്ത് അവിടെ വെള്ളം ലഭ്യമായിരുന്നില്ല.ലിങ്ക് കോപ്പി ചെയ്തു!
യൗമുത്തർവിയ അഥവാ ദുൽഹിജ്ജ എട്ടാം ദിവസമായാൽ, ഉംറക്ക് ശേഷം ഇഹ്റാം ഒഴിവാക്കി സാധാരണ നിലയിലായവർക്ക് (തമത്തുഅ് ചെയ്യുന്നവർക്ക്) 'ദുഹാ'യുടെ സമയത്ത് (സൂര്യൻ ഉദിച്ചുയരുന്ന സമയം) തങ്ങൾ താമസിക്കുന്ന സ്ഥലത്തുനിന്നുതന്നെ ഹജ്ജിനായി ഇഹ്റാം കെട്ടൽ സുന്നത്താണ്. അതുപോലെതന്നെ മക്കയിലുള്ളവരിൽ നിന്ന് ഹജ്ജ് ചെയ്യാൻ ഉദ്ദേശിക്കുന്നവരും ഇപ്രകാരം ഇഹ്റാം കെട്ടേണ്ടതാണ്.മീഖാത്തിൽ വെച്ച് ഇഹ്റാം ചെയ്തപ്പോൾ ചെയ്തതുപോലെ തന്നെ, (ഹജ്ജിനായി ഇഹ്റാം ചെയ്യുമ്പോഴും) കുളിക്കുന്നതും, ശരീരം വൃത്തിയാക്കുന്നതും, സുഗന്ധം ഉപയോഗിക്കുന്നതും സുന്നത്താണ്.
തന്റെ ഹൃദയം കൊണ്ട് ഹജ്ജ് ഉദ്ദേശിക്കുകയും (നിയ്യത്ത് ചെയ്യുകയും), "ലബ്ബൈക്ക ഹജ്ജൻ" (ഹജ്ജിനായി ഇതാ ഞാൻ നിന്റെ വിളിക്ക് ഉത്തരം നൽകി വന്നിരിക്കുന്നു) എന്ന് പറഞ്ഞ് തൽബിയത്ത് ചൊല്ലുകയും ചെയ്യുക. തന്റെ ഹജ്ജ് പൂർത്തിയാക്കുന്നതിന് തടസ്സമാകുന്ന എന്തെങ്കിലും പ്രതിബന്ധങ്ങളെ അദ്ദേഹം ഭയപ്പെടുന്നുണ്ടെങ്കിൽ ഇപ്രകാരം (ശർത്വ് ) നിബന്ധന വെക്കാവുന്നതാണ്:ലിങ്ക് കോപ്പി ചെയ്തു!
إن حَبَسَنِى حَابِسٌ، فمَحَلِّى حَيْثُ حَبَسْتَنِى
എന്നാൽ ഖിറാൻ , ഇഫ്റാദ് എന്നിവ ചെയ്യുന്നവർ നേരത്തെ എടുത്ത ഇഹ്റാമിൽ നിന്ന് ഒഴിവാകാത്തതിനാൽ, അവർ തങ്ങളുടെ ആദ്യത്തെ ഇഹ്റാമിൽ തന്നെ തുടരേണ്ടതാണ്. അവർ മക്കയിലേക്ക് പ്രവേശിക്കുമ്പോൾ സുന്നത്തായ ത്വാവാഫുൽ ഖുദൂം (ആദ്യമായി എത്തുമ്പോൾ നിർവഹിക്കുന്ന ത്വവാഫ് ) നിർവ്വഹിക്കേണ്ടതാണ് .ശേഷം തങ്ങൾക്ക് ഫർദായ സഅ്‌യ് നിർവ്വഹിക്കാമെങ്കിലും ഏറ്റവും ഉത്തമം അത് ത്വാവാഫുൽ ഇഫാദക്ക് ശേഷം നിർവ്വഹിക്കലാണ് . ലിങ്ക് കോപ്പി ചെയ്തു!
ദുൽഹിജ്ജ എട്ടിന് ഹാജിമാർ ചെയ്യേണ്ട കർമ്മങ്ങൾ ലിങ്ക് കോപ്പി ചെയ്തു!
- ദുഹാ സമയത്തിന് മുൻപായി മിനായിലേക്ക് തിരിക്കലും അവിടെ വെച്ച് ധാരാളമായി തൽബിയത്ത് ചൊല്ലലും സുന്നത്താണ്.
- മിനായിൽ വെച്ച് ദ്വുഹ്‌ർ, അസ്വർ, മഗ്‌രിബ്, ഇശാഅ്, ഫജ്‌ർ എന്നീ നിസ്കാരങ്ങൾ നിർവ്വഹിക്കുക. നാല് റക്അത്തുള്ള നിസ്കാരങ്ങൾ ചുരുക്കി (ഖസ്‌ർ) രണ്ട് റക്അത്തായിട്ടാണ് നിസ്കരിക്കേണ്ടത്; എന്നാൽ അവ തമ്മിൽ ചേർത്ത് (ജംഅ്) നിസ്കരിക്കാൻ പാടില്ല (ഓരോന്നും അതത് സമയത്ത് തന്നെ നിർവ്വഹിക്കണം).
- ഹാജിമാർ അറഫാ ദിനത്തിന് മുന്നോടിയായുള്ള രാത്രി മിനായിൽ താമസിക്കൽ (മബീത്) സുന്നത്താണ്.
അറഫ
ലിങ്ക് കോപ്പി ചെയ്തു!
ദുൽഹിജ്ജ ഒൻപത് അറഫ ദിനം
- സൂര്യോദയത്തിന് ശേഷം അറഫയിലേക്ക് പുറപ്പെടണം .
- സൗകര്യപ്രദമാണെങ്കിൽ സൂര്യൻ മധ്യത്തിൽനിന്ന് തെറ്റുന്നതിന് മുൻപായി നമിറയിൽ തങ്ങണം .
- അവിടെ വെച്ച് ളുഹ്‌റും അസറും ചുരുക്കിയും (ഖസ്‌ർ) ചേർത്തുമാണ് (ജംഉ തഖ്‌ദീം) നിസ്കരിക്കണം .
- ശേഷം അവിടെ അറഫാ ഖുതുബ നിർവ്വഹിക്കപ്പെടും.
- നിസ്കാരത്തിന് ശേഷം സൂര്യാസ്തമയം വരെ ഖിബ്ലയ്ക്ക് അഭിമുഖമായി കൈകൾ ഉയർത്തിപ്പിടിച്ച് ദിക്റുകളിലും പ്രാർത്ഥനകളിലും മുഴുകണം .
- സാധ്യമെങ്കിൽ അറഫയിൽ പ്രവാചകൻ ﷺ നിന്ന സ്ഥലത്ത് തന്നെ നിൽക്കുന്നതാണ് ഉത്തമം. അതിന് സാധിച്ചില്ലെങ്കിൽ താൻ താമസിക്കുന്ന സ്ഥലത്ത് നിൽക്കാവുന്നതാണ്.( ദുആക്ക് ഉത്തരം കിട്ടാൻ ഏറ്റവും സാധ്യതയുള്ള സമയവും സ്ഥലവുമായതിനാൽ ഹൃദയസാന്നിദ്ധ്യത്തോടെ ദിക്റുകളും ദുആകളിലുമായി ഒരുവൻ കഴിച്ചുകൂട്ടുക എന്നതാണ് ഏറ്റവും പ്രധാനപ്പെട്ടത് അതിനാൽ ഏറ്റവും അനുയോജ്യമായത് അവനവൻ തിരഞ്ഞെടുക്കുക )
- നബിﷺ ധാരാളമായി ഇപ്രകാരം ദുആ ചെയ്യുമായിരുന്നു: لَا إِلَهَ إِلَّا اللَّهُ، وَحْدَهُ لَا شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِير . നബി ﷺ-യിൽ നിന്ന് വന്ന നിശ്ചിത ദുആകൾ ഒരാൾക്ക് പൂർണ്ണമായി അറിയില്ലെങ്കിൽ, തനിക്ക് അറിയാവുന്ന അനുവദനീയമായ ദുആകൾ കൊണ്ട് അയാൾക്ക് പ്രാർത്ഥിക്കാവുന്നതാണ്. ഇനി ദുആകളിൽ ഏർപ്പെട്ട് കൊണ്ടിരിക്കെ മടുപ്പ് അനുഭവപ്പെടുകയാണെങ്കിൽ, മനസ്സിന് ഉന്മേഷം ലഭിക്കാൻ പ്രയോജനകരമായ മറ്റ് കാര്യങ്ങൾ കൊണ്ടോ, ഖുർആൻ പഠനത്തിലൂടെയോ മറ്റോ തനിക്ക് സമയം ചിലവഴിക്കാവുന്നതാണ് . ശേഷം വീണ്ടും പ്രാർത്ഥനയിലേക്കും അല്ലാഹുവിലേക്കുള്ള വിനീതമായ തേട്ടത്തിലേക്കും മടങ്ങുക. പകലിന്റെ അവസാന സമയം പ്രാർത്ഥനയ്ക്കായി ഉപയോഗപ്പെടുത്താൻ പ്രത്യേകം താല്പര്യമെടുക്കുകയും വേണം.(ഇസ്തിഗ്ഫാർ)പാപമോചനത്തിനായുള്ള തേട്ടവും , വിനയത്തോടെയുള്ള പ്രാർത്ഥനയും, ഭക്തിയും അവിടെ വർദ്ധിപ്പിക്കേണ്ടതാണ്. സ്വന്തം ദൗർബല്യവും (അല്ലാഹുവിനോടുള്ള) വിധേയത്വവും അവിടെ പ്രകടിപ്പിക്കണം. പ്രാർത്ഥനയിൽ അതീവ താല്പര്യം കാണിക്കുകയും അത് ആവർത്തിച്ചു ചോദിക്കുകയും ചെയ്യുക. കാരണം, അത് അത്രമേൽ മഹത്തായ ഒരു സന്ദർഭമാണ്; കണ്ണുനീർ ഒഴുക്കപ്പെടുന്ന, തെറ്റുകൾ പൊറുക്കപ്പെടുന്ന, ദുനിയാവിലെ ഏറ്റവും വലിയ മഹാസംഗമമാണത്. തീർച്ചയായും ഇവയെല്ലാം (കരച്ചിലും പ്രാർത്ഥനയുമൊക്കെ) നന്മകൾ ലഭിക്കുന്നതിനും അല്ലാഹുവിന്റെ കാരുണ്യം വർഷിക്കുന്നതിനുമായി അവൻ നിശ്ചയിച്ച കാരണങ്ങളാണ്. ഒരാൾക്ക് കരയാൻ സാധിക്കുന്നില്ലെങ്കിൽ, കരയാൻ ശ്രമിക്കുകയെങ്കിലും (കരച്ചിലിന്റെ ഭാവം പ്രകടിപ്പിക്കുക) ചെയ്യട്ടെ. അംറ് ബിൻ ശുഐബ് ഉദ്ധരിച്ച ഹദീസിൽ ഇപ്രകാരം വന്നിട്ടുണ്ട്: പ്രവാചകൻ ﷺ പറഞ്ഞു: 'ഏറ്റവും ഉത്തമമായ പ്രാർത്ഥന അറഫാ ദിനത്തിലെ പ്രാർത്ഥനയാണ്'."
- പ്രവാചകൻﷺ യെ മാതൃകയാക്കി, അറഫാ ദിനത്തിൽ ഹാജിമാർ നോമ്പ് അനുഷ്ഠിക്കാതിരിക്കുന്നതാണ് ഏറ്റവും ഉത്തമം.അന്ന് നോമ്പ് ഒഴിവാക്കുന്നതിൽ ചില ഗുണങ്ങളുണ്ട്: പ്രാർത്ഥനയിലും വിനയത്തോടെയുള്ള തേട്ടത്തിലും അല്ലാഹുവിനോടുള്ള കീഴ്വണക്കത്തിലും കൂടുതൽ കരുത്ത് ലഭിക്കാൻ അത് സഹായിക്കുന്നു. കൂടാതെ, ഈ മഹത്തായ സന്ദർഭത്തിൽ കൂടുതൽ ഉന്മേഷത്തോടെ ഇബാദത്തുകളിൽ ഏർപ്പെടാൻ ഇത് അവനെ പ്രാപ്തനാക്കുകയും ചെയ്യുന്നു.
- പകൽ സമയത്ത് അറഫയിൽ പ്രവേശിച്ചവൻ , സൂര്യൻ അസ്തമിക്കുന്നത് വരെ അവിടെ തുടരൽ അവന് നിർബന്ധമാണ്.
- എന്നാൽ ഒരുവൻ അറഫയിൽ രാത്രിയാണ് പ്രവേശിച്ചതെങ്കിൽ അത് സാധുവാകുന്നതാണ്. കാരണം അറഫയിലെ നിറുത്തം (വുഖൂഫ്) സാധുവാകാനുള്ള അവസാന സമയം ബലിപെരുന്നാൾ ദിവസത്തെ പ്രഭാതോദയം (സുബ്ഹി) വരെയാകുന്നു.
മുസ്ദലിഫ
ലിങ്ക് കോപ്പി ചെയ്തു!
സൂര്യാസ്തമയത്തിന് ശേഷം മുസ്‌ദലിഫയിലേക്ക് പുറപ്പെടണം
- മുസ്ദലിഫയിൽ വെച്ച് മഗ്‌രിബ് മൂന്ന് റക്അത്തും ഇഷാ രണ്ട് റക്അത്തുമായി നിസ്കരിക്കുകയും ,പ്രഭാതം ഉദിക്കുന്നത് വരെ അവിടെ രാത്രി താമസിക്കുകയും(ഉറങ്ങുകയും) ചെയ്യണം .പ്രഭാതം വരെ സാധിച്ചില്ലെങ്കിൽ കഴിവിന്റെ പരമാവധി ഉറങ്ങുക.
- നിസ്കാരത്തിന് ശേഷം സൂര്യോദയം വരെ കിടന്നുറങ്ങുന്നത് അല്ലെങ്കിൽ വിശ്രമിക്കുന്നത് പത്താം ദിവസത്തെ (പെരുന്നാൾ ദിവസം) ഒട്ടേറെ മഹത്തരമായ കർമ്മങ്ങൾ ചെയ്യാൻ കരുത്ത് ലഭിക്കുന്നതിന് വേണ്ടിയാണ്.ഉറങ്ങാൻ പറ്റാത്തവർ കിടന്നു വിശ്രമിക്കാൻ പരിശ്രമിക്കുക.
- പ്രഭാതം ഉദിച്ചതിനുശേഷം അവിടെ വെച്ച് സുബ്ഹി നിസ്കരിക്കണം.
- പിന്നീട് നേരം നന്നായി വെളുക്കുന്നതുവരെ ഖിബ്ലയ്ക്ക് അഭിമുഖമായി നിന്ന് ദുആ ചെയ്തും ദിക്റുകളിൽ മുഴുകിയും മശ്‌അറുൽ ഹറാമിൽ നിൽക്കുന്നതാണുത്തമം .
- സൂര്യോദയത്തിന് മുൻപായി മിനയിലേക്ക് പുറപ്പെടണം .
- എന്നാൽ പ്രത്യേകിച്ച് വല്ല ഉദുറും ഉണ്ടെങ്കിൽ അർദ്ധരാത്രിക്ക് ശേഷം (മുസ്ദലിഫയിൽ നിന്ന്) പുറപ്പെടുന്നത് അനുവദനീയമാണ്. ഒരാൾ അർദ്ധരാത്രിക്ക് മുൻപാണ് അവിടെ എത്തിയതെങ്കിൽ അർദ്ധരാത്രി വരെ അവിടെ കഴിയണം. എന്നാൽ അർദ്ധരാത്രിക്ക് ശേഷമാണ് അവിടെ എത്തിയതെങ്കിൽ, കുറച്ചു സമയം അവിടെ ചെലവഴിച്ച ശേഷം പുറപ്പെടാവുന്നതാണ്.
ദുൽഹിജ്ജ പത്ത്- ഈദ് ദിനം
ലിങ്ക് കോപ്പി ചെയ്തു!
ഹജ്ജിലെ പ്രധാനപ്പെട്ട കർമ്മങ്ങൾ ഈ ദിവസത്തിൽ സംഗമിക്കുന്നതിനാൽ ദുൽഹിജ്ജ പത്തിനെ അൽഹജ്ജുൽ അക്ബർ എന്ന് വിളിക്കപ്പെടുന്നു.
ദുൽഹിജ്ജ പത്തിൽ ചെയ്യേണ്ട കർമ്മങ്ങൾ
നാലു പ്രധാന കർമ്മങ്ങളാണ് ഈ ദിവസത്തിലുള്ളത് :
ഒന്ന് : ജംറത്തുൽ അഖബയിൽ കല്ലെറിയുക.
രണ്ട് : ബലിമൃഗത്തെ അറുക്കുക (ഹദ്‌യ്). (ഹജ്ജുൽ ഇഫറാദ് ചെയ്യുന്നവർക്ക് ഇല്ല )
മൂന്ന് : തലമുടി വടിക്കുകയോ അല്ലെങ്കിൽ വെട്ടി ചെറുതാക്കുകയോ ചെയ്യുക.
നാല് : ത്വവാഫുൽ ഇഫാദ. (മുൻപ് സഅ്‌യ് ചെയ്യാത്തവർ ) സഅ്‌യൂം നിർവ്വഹിക്കുക.
ഈ ക്രമത്തിൽ തന്നെ കർമ്മങ്ങൾ ചെയ്യുന്നതാണ് ഉത്തമമെങ്കിലും, ഇതിൽ ഏതെങ്കിലും മുന്തിക്കുകയോ പിന്തിക്കുകയോ ചെയ്യുന്നതിൽ കുഴപ്പമില്ല . പ്രവാചകൻ ﷺ ഇതിൽ മാറ്റം വരുത്താൻ അനുവാദം നൽകിയിട്ടുണ്ട്. അതിനാൽ ഇതിൽ ഒന്ന് മറ്റൊന്നിനെ മുൻകടന്നാലും ഹജ്ജിന് ഭംഗം സംഭവിക്കില്ല.
ഒന്ന് : ജംറത്തുൽ അഖബയിൽ കല്ലെറിയൽ.
- മിനായിൽ എത്തിയാൽ ഉടൻ ജംറത്തുൽ അഖബയിൽ(മക്കയോട് ഏറ്റവും അടുത്തുള്ള വലിയ ജംറയാണിത്) ചെന്ന് ഏഴ് കല്ലുകൾ തുടർച്ചയായി എറിയുക.
- ജംറത്തുൽ അഖബയിൽ കല്ലെറിയുന്നതോടെ തൽബിയത്ത് ചൊല്ലുന്നത് അവസാനിപ്പിക്കണം.
- ഓരോ കല്ലെറിയുമ്പോഴും കൈ ഉയർത്തുകയും 'അല്ലാഹു അക്ബർ' എന്ന് തക്ബീർ ചൊല്ലുകയും ചെയ്യേണ്ടതാണ്.
- മിനാ വലതുഭാഗത്തും, കഅ്ബ ഇടതുഭാഗത്തും, ജംറത്തുൽ അഖബ മുന്നിലുമായി വരുന്ന രീതിയിൽ നിൽക്കൽ (കല്ലെറിയുന്നവന്) സുന്നത്താണ്.(എന്നാൽ തിരക്ക് കാരണം ഇതിന് സാധിച്ചില്ലെങ്കിൽ ഏത് ഭാഗത്ത് നിന്ന് എറിഞ്ഞാലും കല്ലേറ് ശരിയാകുന്നതാണ്.)
- എറിയുന്ന കല്ലുകൾ കൃത്യമായി ഹൗളിനുള്ളിൽ (കുഴിയിൽ) വീഴുന്നുണ്ടെന്ന് ഉറപ്പുവരുത്തുകയും വേണം.
- ജംറത്തുൽ അഖബയിലെ കല്ലേറിന്റെ സമയം:കല്ലേറ് ആരംഭിക്കുന്ന സമയം ബലിപെരുന്നാൾ ദിവസം സൂര്യൻ ഉദിച്ചത് ശേഷമാണ് എന്നാൽ അത് അവസാനിക്കുന്ന സമയം മഗരിബ് വരെയെന്നതാണ് പ്രബലമായ അഭിപ്രായം. സൂര്യൻ അസ്തമിക്കുന്നതിന് മുൻപ് തന്നെ കല്ലെറിയുന്നതാണ് ഏറ്റവും സൂക്ഷ്മതയുള്ള കാര്യം. എന്നാൽ ഒരാൾക്ക് അനിവാര്യമായ സാഹചര്യമുണ്ടാവുകയോ ആവശ്യമായി വരികയോ ചെയ്താൽ, അന്ന് സൂര്യൻ അസ്തമിച്ച ശേഷവും രാത്രിയിൽ ( തൊട്ടടുത്ത ദിവസത്തെ സുബ്ഹിക്ക് മുൻപുള്ള സമയം വരെ ) നിർവ്വഹിക്കാവുന്നതാണ് .
- ജംറത്തിൽ എറിയേണ്ട കല്ലുകൾ എവിടെ വെച്ചും സ്വരൂപിക്കാം ,എന്നാൽ ഏറ്റവും ശ്രേഷ്ഠം ( സാധ്യയമെങ്കിൽ ) മുസ്ദലിഫയിൽ നിന്ന് സ്വരൂപിക്കലാണ് .
- അധികം വലുപ്പമില്ലാത്ത ചെറിയ കല്ലുകളാണ് ഉപയോഗിക്കേണ്ടത് .
രണ്ട് : ബലിമൃഗത്തെ അറുക്കൽ (ഹദ്‌യ്).
- ഹജ്ജുൽ ഖിറാൻ , അത്തമത്തുഅ് പ്രകാരം ഹജ്ജ് ചെയ്യുന്നവർക്കാണ് അറവ് വാജിബായിട്ടുള്ളത് .
- ജംറത്തുൽ അഖബയിലെ കല്ലേറ് കഴിഞ്ഞാൽ തന്റെ ബലിമൃഗത്തെ (ഹദ്‌യ്) അറുക്കേണ്ടതാണ്.
- ഇത് ഒരു ആടോ, അല്ലെങ്കിൽ ഒട്ടകത്തിന്റെയോ പശുവിന്റെയോ ഏഴിലൊന്ന് ഭാഗമോ ആകാം.
- സ്വന്തമായി അറവ് നടത്തുകയോ മറ്റുള്ളവരെ വക്കാലത്ത് ഏല്പിക്കുകയോ ചെയ്യാവുന്നതാണ്.
- ഹജ്ജുൽ അത്തമത്തുഅ് ചെയ്യുന്നവന് അറവ് നടത്താൻ സാധിക്കാതെ വന്നാൽ, അയാൾ പ്രായശ്ചിത്തമായി ഹജ്ജിനിടയില്‍ മൂന്നു ദിവസവും, നിങ്ങള്‍ (നാട്ടില്‍) തിരിച്ചെത്തിയിട്ട് ഏഴു ദിവസവും ചേര്‍ത്ത് ആകെ പത്ത് ദിവസം നോമ്പനുഷ്ഠിക്കേണ്ടതാണ്‌.
- എന്നാൽ മക്കാനിവാസികൾക്ക് ഇത് ബാധകമല്ല.
{ فَمَن تَمَتَّعَ بِالْعُمْرَةِ إِلَى الْحَجِّ فَمَا اسْتَيْسَرَ مِنَ الْهَدْيِ فَمَن لَّمْ يَجِدْ فَصِيَامُ ثَلاثَةِ أَيَّامٍ فِي الْحَجِّ وَسَبْعَةٍ إِذَا رَجَعْتُمْ تِلْكَ عَشَرَةٌ كَامِلَةٌ ذَلِكَ لِمَن لَّمْ يَكُنْ أَهْلُهُ حَاضِرِي الْمَسْجِدِ الْحَرَامِ}
അല്ലാഹു പറയുന്നു: "ഒരാള്‍ അത്തമത്തുഅ് പ്രകാരം ഹജ്ജ് ചെയ്യുന്ന പക്ഷം സൗകര്യപ്പെടുന്ന ഒരു ബലിമൃഗത്തെ (ഹജ്ജിനിടയില്‍ ബലികഴിക്കേണ്ടതാണ്‌.) ഇനി ആര്‍ക്കെങ്കിലും അത് കിട്ടാത്ത പക്ഷം ഹജ്ജിനിടയില്‍ മൂന്നു ദിവസവും, (നാട്ടില്‍) തിരിച്ചെത്തിയിട്ട് ഏഴു ദിവസവും ചേര്‍ത്ത് ആകെ പത്ത് ദിവസം നോമ്പനുഷ്ഠിക്കേണ്ടതാണ്‌. കുടുംബസമേതം മസ്ജിദുല്‍ ഹറാമില്‍ താമസിക്കുന്നവര്‍ക്കല്ലാത്തവര്‍ക്കാകുന്നു ഈ വിധി."
മൂന്ന് : തലമുടി വടിക്കുകയോ, വെട്ടി ചെറുതാക്കുകയോ ചെയ്യൽ .
ബലിമൃഗത്തെ അറുത്തു കഴിഞ്ഞാൽ, തന്റെ തലമുടി വടിക്കുകയോ അല്ലെങ്കിൽ വെട്ടി ചെറുതാക്കുകയോ ചെയ്യേണ്ടതാണ്.
- പുരുഷന്മാർക്ക് ഹൽഖ് ആണ് (മുടി പൂർണ്ണമായി വടിക്കുന്നതാണ്) ഏറ്റവും ഉത്തമം.
- സ്ത്രീകൾ അവരുടെ തലമുടിയുടെ അഗ്രത്തിൽ നിന്ന് ( എല്ലാ ഭാഗവും ഒരുമിച്ച് കൂട്ടി ) വിരൽതുമ്പിന്റെ അത്രയും ഭാഗം വെട്ടിചെറുതാക്കുകയാണ് ചെയ്യേണ്ടത്.
ആദ്യത്തെ തഹല്ലുൽ
ജംറത്തുൽ അഖബയിലെ കല്ലേറും , തലമുടി വടിക്കുകയോ വെട്ടി ചെറുതാക്കുകയോ ചെയ്തതിനും ശേഷം, ഇഹ്റാമിൽ നിഷിദ്ധമായ എല്ലാ കാര്യങ്ങളും തീർത്ഥാടകന് അനുവദനീയമായി മാറുന്നു(ഭാര്യമാരുമായുള്ള ലൈംഗിക ബന്ധം ഒഴികെ ) . ഇതിനെയാണ് 'ആദ്യത്തെ തഹല്ലുൽ' (അൽ-തഹല്ലുൽ അൽ-അവ്വൽ) എന്ന് വിളിക്കുന്നത്. അതിനു ശേഷം ശരീരം വൃത്തിയാക്കുന്നതും ഏറ്റവും നല്ല വസ്ത്രങ്ങൾ ധരിക്കുന്നതും സുഗന്ധം പൂശുന്നതും അനുവദനീയമാണ്.പുരുഷന്മാർക്ക് തുന്നിയ വസ്ത്രവും മറ്റും ധരിക്കാവുന്നതാണ് .
നാല് : ത്വവാഫുൽ ഇഫാദ.
മുകളിൽ പറഞ്ഞ കർമ്മങ്ങൾക്ക് ശേഷം തീർത്ഥാടകൻ ത്വവാഫ് ചെയ്യുന്നതിനായി മക്കയിലേക്ക് തിരിക്കണം . ഈ ത്വവാഫിന് 'ത്വവാഫുൽ ഇഫാദ' (ത്വവാഫുസ്സിയാറ എന്നും) എന്ന് വിളിക്കപ്പെടുന്നു. ഇത് ഹജ്ജിന്റെ നിർബന്ധഘടകങ്ങളിൽ (റുക്നുകളിൽ) ഒന്നാണ്. അല്ലാഹു ഖുർആനിൽ കല്പിച്ചത് ഇതിനെക്കുറിച്ചാണ്: قال الله تعالى {ثُمَّ لْيَقْضُوا تَفَثَهُمْ وَلْيُوفُوا نُذُورَهُمْ وَلْيَطَّوَّفُوا بِالْبَيْتِ الْعَتِيقِ}
അല്ലാഹു പറഞ്ഞു:{പിന്നീട് അവർ തങ്ങളുടെ അഴുക്കുകൾ നീക്കിക്കളയട്ടെ. തങ്ങളുടെ നേർച്ചകൾ അവർ നിറവേറ്റട്ടെ. പുരാതനമായ ആ ഭവനത്തെ (കഅ്ബയെ) അവർ (ത്വവാഫ്) ചെയ്യുകയും ചെയ്യട്ടെ}.
- മുമ്പ് വിവരിച്ച ഉംറയുടെ ത്വവാഫിനെയും ത്വവാഫുൽ ഖുദൂമിനെയും പോലെ തന്നെയാണ് ഇതും നിർവ്വഹിക്കേണ്ടത്. എന്നാൽ, ഈ ത്വവാഫിൽ 'റമൽ' (ആദ്യത്തെ മൂന്ന് ചുറ്റുകളിൽ വേഗത്തിൽ നടക്കൽ), 'ഇള്തിബാഅ്' (വലതു തോളിലെ വസ്ത്രം മാറ്റിയിടൽ) എന്നിവ ഉണ്ടായിരിക്കുന്നതല്ല.
- പിന്നീട് മഖാമു ഇബ്രാഹീമിന് പിന്നിലായി രണ്ട് റകഅത്ത് നിസ്കരിക്കണം.
- ശേഷം സംസം വെള്ളം കുടിക്കൽ സുന്നത്താണ്; പ്രവാചകൻ ﷺ അപ്രകാരം പ്രവർത്തിച്ചതിനാലാണത്.
- ശേഷം തമത്തുഅ് രീതിയിൽ ഹജ്ജ് ചെയ്യുന്നയാൾ , സഫയ്ക്കും മർവ്വയ്ക്കും ഇടയിൽ സഅ്‌യ് ചെയ്യണം. ; കാരണം ആദ്യത്തെ സഅ്‌യ് ഉംറയ്ക്ക് വേണ്ടിയുള്ളതായിരുന്നു, എന്നാൽ ഇത് ഹജ്ജിന്റെ സഅ്‌യ് ആണ്.
- എന്നാൽ ഖാരിനും (ഹജ്ജും ഉംറയും ഒരുമിച്ച് നിർവ്വഹിക്കുന്നവർ) മുഫ്രിദും (ഹജ്ജ് മാത്രം നിർവ്വഹിക്കുന്നവർ) ഒരു തവണ മാത്രമേ സഅ്‌യ് ചെയ്യേണ്ടതുള്ളൂ. 'ത്വവാഫുൽ ഖുദൂമിന്' ശേഷം സഅ്‌യ് നിർവ്വഹിച്ചിട്ടുണ്ടെങ്കിൽ, ത്വവാഫുൽ ഇഫാദയ്ക്ക് ശേഷമുള്ള സഅ്‌യിന് പകരം അത് മതിയാകുന്നതാണ്. അല്ലാത്തപക്ഷം (മുൻപ് ചെയ്തിട്ടില്ലെങ്കിൽ), ത്വവാഫുൽ ഇഫാദയ്ക്ക് ശേഷം സഅ്‌യ് ചെയ്യേണ്ടതാണ്.
ഹജ്ജിന്റെ രണ്ടാമത്തെ തഹല്ലുൽ
ജംറത്തുൽ അഖബയിലെ കല്ലേറ്, മുടി കളയലോ കുറയ്ക്കലോ, പിന്നെ ത്വവാഫുൽ ഇഫാദയും (സഅ്‌യ് ചെയ്യാൻ ബാക്കിയുള്ളവർ അതിനോടൊപ്പം ചെയ്യുന്ന) സഅ്‌യും. ഈ മൂന്ന് കാര്യങ്ങളും നിർവ്വഹിച്ചു കഴിഞ്ഞാൽ, ഇഹ്റാം കാരണം നിഷിദ്ധമായ സകല കാര്യങ്ങളും — ഭാര്യഭർത്താക്കന്മാർക്ക് ലൈംഗിക ബന്ധം ഉൾപ്പടെ — അനുവദനീയമാകുന്നതാണ്. ഇതാണ് രണ്ടാമത്തെ തഹല്ലുൽ കൊണ്ട് ഉദേശിക്കുന്നത് .
അയ്യാമുത്തശ്‌രീഖിന്റെ രാത്രികളിൽ മിനായിൽ രാപ്പാർക്കൽലിങ്ക് കോപ്പി ചെയ്തു!
ത്വവാഫുൽ ഇഫാദയ്ക്കും (സഅ്‌യ് ബാധ്യതയുള്ളവർ-മുൻപ് ചെയ്യാത്തവർ- അത് നിർവ്വഹിച്ചതിനും) ശേഷം ഹാജി മിനായിലേക്ക് തന്നെ മടങ്ങണം. തുടർന്ന് ദുൽഹിജ്ജ പതിനൊന്ന്, പന്ത്രണ്ട് രാത്രികളിൽ അവിടെ രാപ്പാർക്കേണ്ടതാണ്. താമസിക്കാൻ (താമസിച്ച് മടങ്ങാൻ) ആഗ്രഹിക്കുന്നവർക്ക് പതിമൂന്നാം രാത്രിയിലും അവിടെ രാപ്പാർക്കാവുന്നതാണ്. ഇപ്രകാരം മിനായിൽ രാപ്പാർക്കൽ ഹജ്ജിന്റെ നിർബന്ധ കർമ്മങ്ങളിൽ (വാജിബാത്ത്)പെട്ട ഒന്നാണ്.
അയ്യാമുത്തശ്‌രീഖിലെ (ദുൽഹിജ്ജ 11, 12, 13) കല്ലേറ് കർമ്മം
ലിങ്ക് കോപ്പി ചെയ്തു!
അയ്യാമുത്തശ്‌രീഖിലെ കല്ലേറ് കർമ്മം ഹജ്ജിന്റെ നിർബന്ധ ഘടകങ്ങളിൽ (വാജിബാത്ത്) പെട്ട ഒന്നാണെന്നാണ് ഭൂരിഭാഗം പണ്ഡിതന്മാരുടെയും (ജുംഹൂർ ഉലമാ) അഭിപ്രായം.
അയ്യാമുത്തശ്‌രീഖിലെ കല്ലേറ് സമയം
കല്ലേറ് ആരംഭിക്കുന്ന സമയം:
- അയ്യാമുത്തശ്‌രീഖിലെ കല്ലേറിന്റെ പ്രാരംഭ സമയം സൂര്യൻ ഉച്ചതിരിഞ്ഞതിന് ശേഷമാണ്.
- ആരെങ്കിലും ഉച്ചതിരിയുന്നതിന് മുമ്പ് കല്ലേറ് നടത്തിയാൽ അത് ശരിയാവുകയില്ല (സ്വഹീഹാവില്ല), മറിച്ച് ആ കല്ലേറ് ബാത്വിലായി (അസാധുവായി ) പരിഗണിക്കപ്പെടും.
- അത്തരക്കാർ അയ്യാമുത്തശ്‌രീഖിന്റെ ദിവസങ്ങളിൽ തന്നെ ഉച്ചതിരിഞ്ഞ ശേഷം അത് വീണ്ടും നിർവ്വഹിക്കൽ നിർബന്ധമാണ്.
കല്ലേറ് അവസാനിക്കുന്ന സമയം:
- സൂര്യൻ അസ്തമിക്കുന്നത് വരെ കല്ലേറ് നടത്താവുന്ന സമയമാണെന്ന കാര്യത്തിൽ പണ്ഡിതന്മാർക്കിടയിൽ ഭിന്നാഭിപ്രായമില്ല.
- അയ്യാമുത്തശ്‌രീഖിലെ കല്ലേറ് കർമ്മം സൂര്യൻ അസ്തമിക്കുന്നതിന് മുൻപായി നിർവ്വഹിക്കുന്നതാണ് ഏറ്റവും ഉത്തമം
അയ്യാമുത്തശ്‌രീഖിന്റെ ദിവസങ്ങൾ കഴിഞ്ഞിട്ടും അദ്ദേഹം കല്ലേറ് വീണ്ടും നിർവ്വഹിച്ചില്ലെങ്കിൽ, അറവ് നടത്തി മക്കയിലെ ഹറം പരിധിയിലുള്ള ദരിദ്രർക്ക് നൽകിക്കൊണ്ടാണ് ഈ പോരായ്മ പരിഹരിക്കേണ്ടത് .
ദുൽഹിജ്ജ പതിനൊന്നിലെ കർമ്മങ്ങൾലിങ്ക് കോപ്പി ചെയ്തു!
- മൂന്ന് ജംറകളിലും കല്ലെറിയുക: ആദ്യം ജംറത്തുൽ ഊലാ (ആദ്യത്തെ സ്തംഭം), പിന്നീട് ജംറത്തുൽ വുസ്ത്വാ (മധ്യത്തെ സ്തംഭം), ശേഷം ജംറത്തുൽ അഖബ എന്നിങ്ങനെയാണ് കല്ലേറ് നടത്തേണ്ടത്. ഓരോ സ്തംഭത്തിലും തുടർച്ചയായി ഏഴ് കല്ലുകൾ വീതം എറിയണം. ഓരോ തവണയും കൈകൾ ഉയർത്തി കല്ലെറിയുകയും കൂടെ 'അല്ലാഹു അക്ബർ' എന്ന് തക്ബീർ ചൊല്ലുകയും വേണം . സൂര്യൻ ഉച്ചതിരിഞ്ഞതിന് ശേഷമാണ് ഈ കല്ലേറ് നിർവ്വഹിക്കേണ്ടത്; അതിനുമുമ്പ് ചെയ്യുന്നത് അനുവദനീയമല്ല. ഒന്നാമത്തെയും രണ്ടാമത്തെയും (ഊലാ, വുസ്ത്വാ) ജംറകളിൽ കല്ലെറിഞ്ഞ ശേഷം പ്രാർത്ഥനയ്ക്കായി നിൽക്കേണ്ടതുണ്ട് എന്നത് പ്രത്യേകം ശ്രദ്ധിക്കുക.മൂന്നാമത്തെ ജംറയായ ജംറത്തുൽ അഖബയിൽ കല്ലെറിഞ്ഞ ശേഷം അവിടെ നിൽക്കാതെ മടങ്ങേണ്ടതാണ്. ജംറകൾക്കിടയിൽ ദീർഘനേരം നിൽക്കാൻ ഒരാൾക്ക് സാധിച്ചില്ലെങ്കിൽ, തനിക്ക് കഴിയുന്നത്ര സമയം(വളരെ കുറഞ്ഞ സമായമാണെങ്കിലും) അവിടെ നിൽക്കേണ്ടതാണ്. ജനങ്ങളിൽ ഭൂരിഭാഗവും അറിവില്ലായ്മ മൂലമോ അശ്രദ്ധ മൂലമോ ഉപേക്ഷിച്ച ഈ സുന്നത്ത് (പ്രവാചകചര്യ) ജീവിപ്പിക്കാൻ വേണ്ടിയാണത്.
- മിനായിൽ രാപ്പാർക്കൽ: പന്ത്രണ്ടാം രാവിൽ മിനായിൽ രാപ്പാർക്കേണ്ടതാണ്.
ദുൽഹിജ്ജ പന്ത്രണ്ടിലെ കർമ്മങ്ങൾലിങ്ക് കോപ്പി ചെയ്തു!
- മൂന്ന് ജംറകളിലും കല്ലെറിയുക: നാലാം ദിവസം (ദുൽഹിജ്ജ 11) കല്ലെറിഞ്ഞ അതേ രീതിയിൽ തന്നെ മൂന്ന് ജംറകളിലും കല്ലേറ് നിർവ്വഹിക്കേണ്ടതാണ്.
- മിനായിൽ നിന്ന് പുറപ്പെടുക: 'തഅജ്ജുൽ' (മിനാവാസം നേരത്തെ അവസാനിപ്പിക്കാൻ) ആഗ്രഹിക്കുന്നവർ സൂര്യൻ അസ്തമിക്കുന്നതിന് മുൻപായി മിനായിൽ നിന്ന് പുറപ്പെടേണ്ടതാണ്. എന്നാൽ 'തഅഖുർ' (താമസിച്ച് മടങ്ങാൻ) ആഗ്രഹിക്കുന്നവർ അന്ന് രാത്രി കൂടി മിനായിൽ രാപ്പാർക്കേണ്ടതാണ്.
ദുൽഹിജ്ജ പതിമൂന്നിലെ കർമ്മങ്ങൾലിങ്ക് കോപ്പി ചെയ്തു!
ഈ ദിവസം 'തഅഖുർ' (മിനായിൽ താമസിച്ച് മടങ്ങാൻ) തീരുമാനിച്ചവർക്ക് മാത്രമുള്ളതാണ്. ഇതിൽ താഴെ പറയുന്ന കർമ്മങ്ങൾ നിർവ്വഹിക്കേണ്ടതുണ്ട്:
- മൂന്ന് ജംറകളിലും കല്ലെറിയുക: മുൻപത്തെ രണ്ട് ദിവസങ്ങളിൽ (11, 12 തീയതികളിൽ) നിർവ്വഹിച്ചത് പോലെ തന്നെ മൂന്ന് ജംറകളിലും കല്ലേറ് നടത്തുക.
- മിനായിൽ നിന്ന് പുറപ്പെടുക: അതിനുശേഷം മിനായിൽ നിന്ന് മടങ്ങാവുന്നതാണ്.
ത്വവാഫുൽ വദാഅ്ലിങ്ക് കോപ്പി ചെയ്തു!
മക്കയിൽ നിന്ന് യാത്ര തിരിക്കുന്ന സമയത്ത് നിർവ്വഹിക്കുന്ന 'ത്വവാഫുൽ വദാഅ്' (യാത്രയയപ്പ് ത്വവാഫ്) ആണ് ഹജ്ജിലെ അവസാനത്തെ കർമ്മം. മക്കയിൽ നിന്ന് പുറപ്പെടാൻ ഉദ്ദേശിച്ചാൽ, ത്വവാഫുൽ വദാഅ് (വിടവാങ്ങൽ ത്വവാഫ്) നിർവ്വഹിക്കാതെ പുറത്തുപോകാൻ പാടുള്ളതല്ല. എന്നാൽ ആർത്തവമുള്ള സ്ത്രീകൾക്ക് (ഹാഇള്) ഇതിൽ ഇളവ് നൽകിയിട്ടുണ്ട്. അതിനാൽ ആർത്തവകാരികളായ സ്ത്രീകൾക്കും പ്രസവരക്തമുള്ള സ്ത്രീകൾക്കും (നുഫസാഅ്) ഈ വിടവാങ്ങൽ ത്വവാഫ് നിർബന്ധമില്ല.
അല്ലാഹു എല്ലാവരുടെയും ഹജ്ജ് കർമ്മം അവൻ സ്വീകരിക്കുന്ന രൂപത്തിൽ ഇഖ്ലാസോടെയും നബിﷺ യെ പരിപ്പൂർണ്ണമായി പിൻപറ്റിയും നിർവ്വഹിക്കാൻ തൗഫീഖ് നൽകട്ടെ .. ആമീൻ
(സാധാരണക്കാരായ ജനങ്ങൾക്ക് ഹജ്ജിന്റെ കർമ്മങ്ങൾ ഖുർആനിന്റെയും സുന്നത്തിന്റെയും വെളിച്ചത്തിൽ അഹ്ലുസുന്നയുടെ പണ്ഡിതന്മാർ വിശദീകരിച്ചത് ലഘുവായി വായനക്കാരുടെ മുന്നിൽ അവതരിപ്പിക്കാനുള്ള ഒരു എളിയ പരിശ്രമം മാത്രമാണിത്. ഹജ്ജ് കർമ്മങ്ങളുമായി ബന്ധപ്പെട്ട എല്ലാ കർമ്മശാസ്ത്ര വിധികളും ഇവിടെ ചർച്ച ചെയ്തിട്ടില്ല അതിനാൽ എന്തെങ്കിലും സംശയങ്ങളുണ്ടെങ്കിൽ അവ ദൂരീകരിക്കാൻ പണ്ഡിതന്മാരോടും മറ്റും ചോദിക്കാൻ മടിക്കരുത് .. അല്ലാഹു ഖബൂൽ ചെയ്യട്ടെ .. ആമീൻ )