بسم الله الرحمن الرحيم
മനുഷ്യ സൃഷ്ടിപ്പിന്‍റെ ലക്ഷ്യമായി അല്ലാഹു പറഞ്ഞു
{وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ } [الذاريات: 56]
“ജിന്നുകളെയും മനുഷ്യരെയും എന്നെ ഇബാദത്ത് ചെയ്യാന്‍ വേണ്ടി അല്ലാതെ ഞാന്‍ സൃഷ്ടിച്ചിട്ടില്ല”
പരിശുദ്ധ റമദാനിലെ നോമ്പിന്‍റെ വിധിവിലക്കുകള്‍ മനസ്സിലാക്കുന്നതിനുമുന്‍പ് എല്ലാ ഇബാദത്തുകളിലും നാം ശ്രദ്ധിക്കേണ്ട പ്രധാനപ്പെട്ട കാര്യങ്ങള്‍അറിയേണ്ടതുണ്ട്.
ഇബാദത്തുകള്‍ സ്വീകാര്യയോഗ്യമാകാനുള്ള രണ്ട് നിബന്ധനകള്‍
1. ഇഖ്ലാസ് ( الاخلاص) : എല്ലാ ഇബാദത്തുകളും അല്ലാഹുവിനു വേണ്ടിമാത്രമാക്കുക
ഇബാദത്തുകളില്‍ വലിയ ശിര്‍ക്കോ (അല്ലാഹു അല്ലാത്തവരോട് പ്രാര്‍ത്ഥിക്കുക, അല്ലാഹു അല്ലാത്തവരുടെ പേരില്‍ നേര്‍ച്ചയാക്കുക പോലെയുള്ളത് )ചെറിയശിര്‍ക്കോ ( ജനങ്ങളെ കാണിക്കുവാന്‍ വേണ്ടി അമലുകള്‍ ചെയ്യുക പോലെയുള്ളത് ) ഇല്ലാതിരിക്കുക എന്നതാണ് ഇഖ്ലാസ് കൊണ്ടുള്ള വിവക്ഷ.
2. മുത്താബഅത്തുല്‍ റസൂല്‍ (متابعة الرسول ): റസൂലിന്‍റെ സുന്നത്തിനോട്( അല്ലാഹുവും റസൂലും നിയമമാക്കിയതിനോട്) യോജിച്ചുവരിക.
നബിﷺയുടെ വഫാത്തിന് ശേഷം റസൂലിന്‍റെ സുന്നത്തു കൊണ്ട് ഉദ്ദേശിക്കുന്നത്സ്ഥിരപ്പെട്ടു വന്ന ഹദീസുകളാണ് .അത് സ്വഹാബാക്കളടങ്ങുന്ന സലഫുകള്‍മനസ്സിലാക്കിയത് പോലെ പിന്‍പറ്റണം.
قَالَ رَسُولُ اللهِ صَلَّى اللهُ عَلَيْهِ وَسَلَّمَ.......و إياكم و محدثات الأمور ، فإن كل محدثة بدعة و كل بدعة ضلالة (الطبراني )
നബിﷺപറഞ്ഞു:“(ദീനില്‍)പുതുനിര്‍മ്മിതമായ കാര്യങ്ങളെ നിങ്ങള്‍സൂക്ഷിക്കുക എല്ലാ പുതു നിര്‍മ്മിതമായ കാര്യങ്ങളും ബിദ്അത്താണ്. എല്ലാ ബിദ്അത്തുകളും (പുത്തനാചാരങ്ങളും) വഴികേടാണ്.”
ഇവ രണ്ടും അമലുകള്‍ സ്വീകരിക്കപ്പെടാനുള്ള അടിസ്ഥാനങ്ങളാണ് .അല്ലാഹു പറഞ്ഞു :
{فَمَن كَانَ يَرۡجُواْ لِقَآءَ رَبِّهِۦ فَلۡيَعۡمَلۡ عَمَلٗا صَٰلِحٗا وَلَا يُشۡرِكۡ بِعِبَادَةِ رَبِّهِۦٓ أَحَدَۢا } سورة الكهف : 110
"അതിനാല്‍ വല്ലവനും തന്‍റെ റബ്ബുമായി കണ്ടുമുട്ടണമെന്ന്ആഗ്രഹിക്കുന്നുവെങ്കില്‍ അവന്‍ സല്‍കര്‍മ്മം പ്രവര്‍ത്തിക്കുകയും, തന്‍റെ റബ്ബിനുള്ള ഇബാദത്തില്‍ യാതൊന്നിനെയും പങ്കുചേര്‍ക്കാതിരിക്കുകയുംചെയ്തുകൊള്ളട്ടെ"
നബി ﷺ പറഞ്ഞു
عَنْ عَائِشَةَ رَضِيَ اللهُ عَنْهَا قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ »
''(ഇബാദത്തില്‍)നമ്മുടെ കല്‍പ്പന ഇല്ലാത്ത എന്തെങ്കിലും ഒരുകാര്യം ഒരാള്‍ ചെയ്താല്‍ അത് തള്ളപ്പെടേണ്ടതാണ്.''(ബുഖാരി,മുസ്ലിം )
നമ്മുടെ നോമ്പ് അല്ലാഹുവും റസൂലുംﷺ പഠിപ്പിച്ചത് പോലെയാവാന്‍വേണ്ടിയാണ് നോമ്പിന്‍റെ വിധിവിലക്കുകളുമായി ബന്ധപ്പെട്ട ഈ പഠനം.അല്ലാഹുവും റസൂലും ﷺപഠിപ്പിച്ചത് പോലെ പരിപൂര്‍ണ്ണമായ ഇഖ്ലാസോടുകൂടി എല്ലാ ഇബാദത്തുകളും ചെയ്യാന്‍ അല്ലാഹു നമുക്ക് തൗഫീഖ് നല്‍കട്ടെ- ആമീന്‍.
പലപ്പോഴും നമ്മുടെ ഇബാദത്തുകള്‍; പ്രത്യേകിച്ച് നിസ്കാരവുംനോമ്പുമൊക്കെ, യാന്ത്രികമായി ചെയ്യുന്ന കേവലം ചില പ്രവര്‍ത്തനം മാത്രമായിചുരുങ്ങാറുണ്ട്. അല്ലാഹു സ്വീകരിക്കുന്ന ഇബാദത്തായി മാറണമെങ്കില്‍ ചിലഅടിസ്ഥാന കാര്യങ്ങള്‍ കൂടി നാം ശ്രദ്ധിക്കേണ്ടതുണ്ട്.പണ്ഡിതന്മാര്‍ ഇബാദത്തിന്‍റെ അടിസ്ഥാന ഘടകങ്ങളായി മൂന്നു കാര്യങ്ങള്‍ നമ്മെ പഠിപ്പിക്കുന്നു.
ഇബാദത്തിന്‍റെ അടിസ്ഥാന ഘടകങ്ങള്‍
- പരിപൂര്‍ണ്ണ സ്നേഹം.
- അല്ലാഹുവിലുള്ള പ്രതീക്ഷ.
- അല്ലാഹുവിലുള്ള ഭയം.
മസ്ജിദുന്നബവിയിലെ പ്രഗല്‍ഭ പണ്ഡിതനായ അബ്ദു റസാഖ് അല്‍ ബദർ حفظه الله വിവരിക്കുന്നു:
"അല്ലാഹുവിനോടുള്ള പരിപൂര്‍ണമായ സ്നേഹത്താലും, അവന്‍റെ പ്രതിഫലങ്ങളിലുള്ള
ഉറച്ച പ്രതീക്ഷയിലും അവന്‍റെ ശിക്ഷയെ കുറിച്ചുള്ള ഭയപ്പാടിലുമായി കൊണ്ടാണ് അവനെ
ഇബാദത്ത് ചെയ്യേണ്ടത്.ഈ മൂന്നു കാര്യങ്ങളും അല്ലാഹു അവന്‍റെ പരിശുദ്ധ ഖുര്‍ആനില്‍ ഒരധ്യായത്തില്‍(സൂറത്തുല്‍ ഫാത്തിഹയില്‍ ) ഒരുമിച്ചു പറഞ്ഞിരിക്കുന്നു.
ٱلۡحَمۡدُ لِلَّهِ رَبِّ ٱلۡعَٰلَمِينَ
“സര്‍വ്വസ്തുതിയും സര്‍വ്വലോകങ്ങളുടെയും റബ്ബായ അല്ലാഹുവിനാകുന്നു .”
ഈ ആയത്തില്‍ " സ്നേഹം" അടങ്ങിയിട്ടുണ്ട് കാരണം അല്ലാഹുവാണ് എല്ലാ അനുഗ്രഹങ്ങളും നല്‍കുന്നവന്‍, നല്‍കിയ അനുഗ്രഹങ്ങളുടെ തോതനുസരിച്ച്അനുഗ്രഹം നല്‍കിയവന്‍ സ്നേഹിക്കപ്പെടും , മാത്രമല്ല ‘ഹംദ്’ എന്നാല്‍ സ്നേഹത്തോടുകൂടിയുള്ള പുകഴ്ത്തലാണ്.
ٱلرَّحۡمَٰنِ ٱلرَّحِيمِ
“പരമകാരുണികനും കരുണാനിധിയും”.
ഈ ആയത്തില്‍ "പ്രതീക്ഷ" അടങ്ങിയിട്ടുണ്ട് കാരണം ഒരു മുഅ്മീന്‍ അല്ലാഹുവിന്‍റെ റഹ്മത്തിനെ പ്രതീക്ഷിക്കുകയും അത് ലഭിക്കുവാന്‍ അങ്ങേയറ്റം ആശിക്കുകയും ചെയ്യുന്നു.
مَٰلِكِ يَوۡمِ ٱلدِّينِ
“പ്രതിഫല ദിവസത്തിന്‍റെ ഉടമസ്ഥനുമായ (അല്ലാഹുവിന്.) ”
ഈ ആയത്തില്‍ "ഭയം" അടങ്ങിയിട്ടുണ്ട് യൗമുദ്ധീന്‍ എന്നാല്‍ പ്രതിഫലദിനം എന്നാണ് ,(താന്‍ വിചാരണ ചെയ്യപ്പെടുന്ന ആ ദിവസത്തെ സത്യവിശ്വാസികൾ കഠിനമായി ഭയക്കുന്നു) തുടർന്ന് ..
إِيَّاكَ نَعۡبُدُ وَإِيَّاكَ نَسۡتَعِينُ
“നിനക്ക് മാത്രം ഞങ്ങള്‍ ഇബാദത്ത് ചെയ്യുന്നു.നിന്നോട് മാത്രം ഞങ്ങള്‍ സഹായം തേടുന്നു” എന്ന ആയത്ത്. അതായത് ; 'റബ്ബേ നിന്നോടുള്ള സ്നേഹത്താലും പ്രതീക്ഷയാലും ഭയത്താലും നിനക്ക് മാത്രം ഞങ്ങള്‍ ഇബാദത്ത് ചെയ്യുന്നു'.
നബിമാരുടെ വിശേഷണങ്ങളെ പറ്റി അല്ലാഹു പറഞ്ഞു:
{إِنَّهُمْ كَانُوا يُسَارِعُونَ فِي الخَيْرَاتِ وَيَدْعُونَنَا رَغَباً وَرَهَباً وَكَانُوا لَنَا خَاشِعِينَ}
(നബിമാര്‍) ഉത്തമകാര്യങ്ങള്‍ക്ക് ധൃതികാണിക്കുകയും, ആശിച്ചു കൊണ്ടും, പേടിച്ചുകൊണ്ടും നമ്മോട് പ്രാര്‍ത്ഥിക്കുകയും ചെയ്യുന്നവരായിരുന്നു. അവര്‍ നമ്മോട്താഴ്മ കാണിക്കുന്നവരുമായിരുന്നു. (അമ്പിയാഅ് 90)
സലഫുകളില്‍ ചിലര്‍ ഇപ്രകാരം പറഞ്ഞിരിക്കുന്നു: 'കേവല സ്നേഹം കൊണ്ട്മാത്രം ഒരാള്‍ അല്ലാഹുവിനെ ഇബാദത്ത് ചെയ്താൽ അവന്‍ زنديق സിന്‍ദീക്ക് ആണ് (നിര്‍മ്മതവാദി).
പ്രതീക്ഷയര്‍പ്പിച്ചു മാത്രം ഒരാള്‍ അല്ലാഹുവിനെ ഇബാദത്ത് ചെയ്താൽ അവന്‍ ( مرجئ ) മുര്‍ജിഅ് ആണ്.
ഭയത്തോട്കൂടി മാത്രം ഒരാള്‍ അല്ലാഹുവിനെ ഇബാദത്ത് ചെയ്താൽ അവന്‍ (حروري ) ഹറൂറി ആണ് എന്നാൽ ആരെങ്കിലും സ്നേഹത്തോടെയും ഭയത്തോടെയും പ്രതീക്ഷയോടെയും കൂടി അല്ലാഹുവിനെ ആരാധിക്കുന്നോ അവനാണ് യഥാർത്ഥ മുവഹിദായ മുഅ്മിന് .
ഈമാനിന്‍റെ മാധുര്യം നുകര്‍ന്ന് അല്ലാഹുവിനെ പരിപൂര്‍ണ്ണമായിസ്നേഹിച്ചും, മുഅ്മിനീങ്ങള്‍ക്കായി അല്ലാഹു ഒരുക്കിയിട്ടുള്ള അവന്‍റെവിശാലമായ സ്വര്‍ഗ്ഗം പ്രതീക്ഷിച്ചും, സത്യനിഷേധികള്‍ക്കായി അവന്‍ ഒരുക്കിയിട്ടുള്ളശിക്ഷയുടെ കേന്ദ്രമായ നരകത്തില്‍ അകപ്പെടുന്നതിനെ ഭയപ്പെട്ടുകൊണ്ടും ശിഷ്ടകാലം ഇബാദത്തിലായി കഴിച്ചുകൂട്ടാന്‍ നാം ഓരോരുത്തരും പരിശ്രമിക്കുക.അല്ലാഹു തൗഫീഖ് നല്‍കട്ടെ...ആമീന്‍.
പരിശുദ്ധ ഖുര്‍ആനില്‍ അല്ലാഹു പറഞ്ഞു :
{سَابِقُوٓاْ إِلَىٰ مَغۡفِرَةٖ مِّن رَّبِّكُمۡ وَجَنَّةٍ عَرۡضُهَا كَعَرۡضِ ٱلسَّمَآءِ وَٱلۡأَرۡضِ أُعِدَّتۡ لِلَّذِينَ ءَامَنُواْ بِٱللَّهِ وَرُسُلِهِۦۚ ذَٰلِكَ فَضۡلُ ٱللَّهِ يُؤۡتِيهِ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ }
"നിങ്ങളുടെ റബ്ബിങ്കല്‍ നിന്നുള്ള പാപമോചനത്തിലേക്കും സ്വര്‍ഗത്തിലേ ക്കുംനിങ്ങള്‍ മുന്‍ കടന്നു വരുവിന്‍. അതിന്‍റെ വിസ്താരം ആകാശഭൂമികളുടെവിസ്തൃതിക്ക് സമാനമാണ് . അല്ലാഹുവിലും അവന്‍റെ ദൂതന്‍മാരിലുംവിശ്വസിച്ചവര്‍ക്കു വേണ്ടി അത് സജ്ജീകരിക്കപ്പെട്ടിരിക്കുന്നു. അത് അല്ലാഹുവിന്‍റെഅനുഗ്രഹമത്രെ. അവന്‍ ഉദ്ദേശിക്കുന്നവര്‍ക്ക് അതവന്‍ നല്‍കുന്നു.അല്ലാഹുഅപാരമായ ഔദാര്യത്തിനുടമയാകുന്നു."(ഹദീദ് : 21)
الله تعالى أعلم و صلى الله على نبينا محمد و على آله وصحبه وسلم